ထိန်ချုံး Rehai ရေပူစမ်း ကျန်းမာရေးစောင့်ရှောက်မှုစင်တာသည် တရုတ်နိုင်ငံ အနောက်တောင်ပိုင်းရှိ နယ်စပ်မြို့ ထိန်ချုံးတွင် တည်ရှိပါသည်။ ၎င်းသည် မြောက်ယဉ်စွန်းတန်း ဖြတ်သန်းသွားရာဒေသတွင် တည်ရှိပြီး သစ်တောဖုံးလွှမ်းနှုန်း ၇၀% ရှိသည်။ ရာသီဥတု နွေးထွေးစိုစွတ်ပြီး Negative oxygen ions ပါဝင်မှု အလွန်မြင့်မားသည်။ ဤနေရာတွင် မီးတောင်နှင့် ဘူမိအပူစွမ်းအင်တို့ အတူဖြစ်တည်နေကြသည်။ ပမာဏကြီးမားပြီး ရှုခင်းများ ဆန်းကြယ်ကာ ရေပူစမ်းအရင်းအမြစ် ကောင်းမွန်ခြင်းမှာ ကမ္ဘာပေါ်တွင် တွေ့ရခဲလှသည်။ ထိန်ချုံး Rehai ရေပူစမ်းသည် တရုတ်နိုင်ငံရှိ ရေပူစမ်းခရီးသွားအပန်းဖြေနေရာကြီးငါးခုနှင့် တရုတ်နိုင်ငံရှိ ရေပူစမ်း ကျန်းမာရေးစောင့်ရှောက်မှုစခန်းကြီးဆယ်ခု တို့အနက် ပါဝင်ပါသည်။

Rehai ကျန်းမာရေးစီမံထိန်းချုပ်မှုစနစ်သည် နှစ်ပေါင်းများစွာတိုင်အောင် ပြည်သူပြည်သားများ၏ ကျန်းမာရေးဆိုင်ရာ စီမံခန့်ခွဲမှုကို အဓိကဝန်ဆောင်မှုတန်ဖိုးအဖြစ် အမြဲကြိုးပမ်းဆောင်ရွက်ပါသည်။ နယ်ပယ်ပေါင်းစုံ ကျန်းမာရေးစစ်ဆေးအကဲဖြတ်ခြင်းနှင့် ကြားဝင်ဝန်ဆောင်မှုပုံစံကို တီထွင်အသုံးပြုထားပြီဖြစ်ပြီး ပြည်တွင်းကျန်းမာရေးလုပ်ငန်း လူ့ခန္ဓာကိုယ် ဒေတာအချက်အလက်ဂိုဒေါင်ကို ထူထောင်ထားကာ ဒေတာနမူနာ ၁၀ သန်းကျော် ပိုင်ဆိုင်ထားပါသည်။ အဆိုပါစနစ်သည် အမျိုးမျိုးသော ကျန်းမာရေးဆိုင်ရာ စစ်ဆးမှုဒေတာများကို အရင်းခံ၍ ခေတ်မီကျန်းမာရေးလုပ်ဆောင်ချက်များဆိုင်ရာ ဆေးပညာသီအိုရီကို အခြေခံပြီး မော်လီကျူးဇီဝဗေဒ၊ ကွမ်တမ်မက္ကင်းနစ်၊ ရူပဗေဒ၊ ရောဂါဗေဒစာရင်းအင်းပြုစုမှုဗေဒ၊ ခေတ်မီဆေးပညာ၊ တရုတ်တိုင်းရင်းဆေးပညာ၊ အားကစားဆေးပညာ၊ စိတ်ပညာ၊ မျိုးရိုးဗီဇ၊ သတင်းအချက်အလက်နှင့် သိပ္ပံပညာ စသည့် ဘာသာရပ်များစွာဆိုင်ရာ အသိပညာများနှင့် သိပ္ပံနည်းပညာဆိုင်ရာ အောင်မြင်မှုများကို အထွေထွေ အသုံးချထားပါသည်။ အဆိုပါစနစ်တွင် အပိုင်းကြီးကိုးပိုင်း ပါဝင်ပါသည်။ အပိုင်းတစ်ခုချင်းစီအကြားရှိ ဒေတာများကို အထွေထွေ ခွဲခြမ်းစိတ်ဖြာခြင်းဖြင့် လူ့ခန္ဓာကိုယ်၏ ကျန်းမာရေးအခြေအနေအတွက် ယုတ္တိနည်းကျကျ ဆက်နွှယ်မှုရှိသော စနစ်ဆယ်ခု၏ သတင်းအချက်အလက်ကွန်ရက် ပုံကြမ်းတစ်ခုကို ထူထောင်ထားသည်၊ သတင်းအချက်အလက် ခွဲခြမ်းစိတ်ဖြာမှုဒေတာများစွာနှင့် စံအရေအတွက် အညွှန်းကိန်းများကို သိပ္ပံနည်းကျ နှိုင်းယှဉ်ခြင်းဖြင့် လူ့ခန္ဓာကိုယ်၏ လက်ရှိကျန်းမာရေးအခြေအနေကို အထွေထွေ စစ်ဆေးအကဲဖြတ်ပါသည်။ ဤစနစ်သည် သိပ္ပံနည်းကျ ခွဲခြမ်းစိတ်ဖြာခြင်းနှင့် အထွေထွေ ချိန်ညှိမှုအပေါ်တွင် အခြေခံပြီး ဒေတာများ ခွဲခြမ်းစိတ်ဖြာခြင်းအား စစ်ဆေးခြင်းကို အဓိကထားကာ ဒေသ၊ ပတ်ဝန်းကျင်၊ အစားအသောက်ဓလေ့ထုံးစံ စသည့် အကြောင်းအချက်များစွာ၏ ခွဲခြမ်းစိတ်ဖြာအကဲဖြတ်ခြင်းစနစ်ကို အထွေထွေ မှီငြမ်းကိုးကားပါသည်။

Yugu ကျန်းမာရေးစောင့်ရှောက်မှု ရေပူစမ်းအတွင်းရှိ သဘာဝထူးခြားလက္ခဏာများရှိသော ရေပူစမ်းများနှင့် ကျန်းမာရေးစောင့်ရှောက်မှု ဝန်ဆောင်မှုပရောဂျက်များကို ပရော်ဖက်ရှယ်နယ် စံချိန်စံညွှန်းပြည့်မီစွာ စွမ်းဆောင်ရည်ဒီဇိုင်းဆွဲပြီး ဧည့်သည်များ၏ ကျန်းမာရေးအခြေအနေများကို အတွေးအထင်နှင့် ပကတိကျစွာ ဘက်စုံ အကဲဖြတ်ပေးခြင်းဖြင့် မတူညီသောဧည့်သည်များကို ပရော်ဖက်ရှင်နယ်ကျသော၊ စိတ်ကြိုက်သီးသန့်ဖြစ်သော ရေပူစမ်း ကျန်းမာရေးစောင့်ရှောက်မှုနှင့် ထူးခြားသော စီမံခန့်ခွဲလမ်းညွှန်မှုအစီအစဉ်များ ဆောင်ရွက်ပေးပါသည်။ ကမ္ဘာတစ်ဝှမ်းမှ ဧည့်သည်များအား သဘာဝတရားကြီးကပေးစွမ်းသော သဘာဝကျန်းမာရေး စောင့်ရှောက်မှုကို ခံစားနိုင်စေရုံသာမက မိမိ၏ ကျန်းမာရေးအခြေအနေကိုလည်း သိရှိနိုင်စေကာ ပစ်မှတ်ရှိသော ကျန်းမာရေးစောင့်ရှောက်မှုကို ရရှိစေပါသည်။ တစ်ချိန်တည်းတွင် ကျန်းမာရေးစောင့်ရှောက်မှု ဟောပြောပွဲဆိုင်ရာ ယဉ်ကျေးမှု လှုပ်ရှားမှုများ၊ ကျန်းမာရေးစောင့်ရှောက်မှု၊ ရေပူစမ်းဖြင့်ကျန်းမာရေး လိုက်စားမှု ယဉ်ကျေးမှုဆိုင်ရာ ပြပွဲများ စသည့်ဝန်ဆောင်မှုများသည်လည်း ဧည့်သည်များအတွက် စိတ်ပိုင်းဆိုင်ရာ အပန်းပြေမှုများနှင့် ဗဟုသုတ တိုးပွားမှုများ ရရှိလာစေပါသည်။

၂၀၁၆ ခုနှစ်တွင် ယူနန်ပြည်နယ် အလုပ်သမားသမဂ္ဂအဖွဲ့ချုပ်၏ "ဝန်ထမ်းများနှင့် စံပြအလုပ်သမားများအတွက် ဆေးကုသအပန်းဖြေရေးစခန်း" အဖြစ် သတ်မှတ်ခံရသည်။ တစ်ချိန်တည်းတွင် "ယူနန်ပြည်နယ် အဆင့်မြင့်ထူးချွန်သူများအတွက် အားလပ်ရက် ဆေးကုသအပန်းဖြေရေးစခန်း" အဖြစ် ယူနန်ပြည်နယ် အဖွဲ့အစည်းဝန်ကြီးဌာန၊ လူ့စွမ်းအားအရင်းအမြစ်နှင့် လူမှုဖူလုံရေးဝန်ကြီးဌာနတို့၏ သတ်မှတ်ခြင်းခံရသည်။ ဆေးဘက်ဆိုင်ရာ ကျန်းမာရေးစောင့်ရှောက်မှု ထူးခြားချက်ကို အသုံးချ၍ "အမျိုးသားဝိသေသလက္ခဏာဆောင်သော တရုတ်တိုင်းရင်းဆေး ရေပူစမ်း ဆေးကုသ အပန်းဖြေရေးစခန်း" အဖြစ် သတ်မှတ်ခြင်းခံရသည်။

အဓိကဝိသေသလက္ခဏာများ -

ဆေးကုသအပန်းဖြေမှုလုပ်ငန်း ဖွံ့ဖြိုးတိုးတက်လာသည်နှင့်အမျှ ကုမ္ပဏီ၏ အကြီးအကဲများသည် "ဆေးကုသအပန်းဖြေမှုကျန်းမာရေး ပြန်လည်ကောင်းမွန်လာ စေရေး ထုတ်ကုန်များ ဖန်တီးခြင်း"ကို အဆိုပြုပြီး ဆေးကုသအပန်းဖြေမှုထုတ်ကုန်များ ပိုမိုကောင်းမွန်လာစေရန် ကြိုးပမ်းကာ "CHOBMI" ကျန်းမာရေးစောင့်ကြည့်မှုစနစ်ကို တင်သွင်းပြီး ကြားဝင်ကုသမှု ပြုလုပ်ပါသည်။ မတူကွဲပြားသော ကိုယ်ခန္ဓာများအတွက် တရုတ်တိုင်းရင်းဆေး ရေပူစမ်းဆေးထုပ်များကို သုတေသနပြုထုတ်လုပ်ပြီး ရေပူစမ်း၏ ကျန်းမာရေးစောင့်ရှောက်မှု လုပ်ဆောင်ချက်များကို စနစ်တကျ မြှင့်တင်ပေးပါသည်။ ကျန်းမာရေးစံနှုန်း၊ ကျန်းမာရေးစစ်ဆေးမှု၊ ကျန်းမာရေးလမ်းညွှန်မှုတို့မှသည် တရုတ်တိုင်းရင်းဆေး ရေပူစမ်း ကျန်းမာရေးကုစားထိန်းညှိမှု၊ ကျန်းမာရေးလိုက်လံ စောင့်ကြည့်မှု စသဖြင့် အထွေထွေရေပူစမ်း ကျန်းမာရေးစောင့်ရှောက်မှုနှင့် ဆေးကုသအပန်းဖြေမှုပလက်ဖောင်းကို တည်ဆောက်ပြီး ကုမ္ပဏီ၏ ကျန်းမာရေးလုပ်ငန်း ဖွံ့ဖြိုးတိုးတက်မှု အမြန်နှုန်းကို ဘက်စုံမြှင့်တင်ပါသည်။ လက်ရှိတွင် ထိန်ချုံး Rehai မီးတောင်သည် တရုတ်သိပ္ပံအကယ်ဒမီ၏ ကျန်းမာရေးဒေတာစနစ်ကို အခြေခံ၍ တရုတ်တိုင်းရင်းဆေးနှင့် အနောက်တိုင်းဆေးပညာ ပေါင်းစပ်သော ကြားဝင်ကုသရေးစနစ် ကို အသုံးပြုသည့် ပြည်တွင်းပထမဆုံးကုမ္ပဏီ ဖြစ်ပါသည်။

ကုမ္ပဏီသည် ဆေးကုသအပန်းဖြေမှု၏ ထိရောက်မှုနှင့် ဖောက်သည်များ၏ တုံ့ပြန်မှုများကို အာရုံစိုက်ပြီး “ဆေးကုသအပန်းဖြေမှု ကျန်းမာရေး ပြန်လည်ကောင်းမွန်လာစေရေး ထုတ်ကုန်များ” ကို တက်ကြွစွာ ဖန်တီးကာ ဖောက်သည်များ၏ ကျေနပ်မှုကို ကြိုးပမ်း မြှင့်တင်ပါသည်။ ဖောက်သည်များ၏ လက်တွေ့ခံစားမှုများနှင့် ဖောက်သည်များ၏ ယုံကြည်ကိုးစားမှုကို မြှင့်တင်ခြင်းဖြင့် ကျန်းမာရေးစောင့်ရှောက်မှုကို အလေးပေး ဆောင်ရွက်ပါသည်။ မြင့်မားသောတောင်ပေါ်သစ်တော ရာသီဥတုကုထုံး၊ Rehai ၏ အပူချိန်မြင့်မားမှု၊ ဘူမိအပူစွမ်းအင်နှင့် အရည်အသွေးကောင်းမွန်သော ကျန်းမာရေး စမ်းချောင်းကုထုံး၊ မျိုးဆက်သစ် မီးတောင်စွမ်းအင် သံလိုက်စက်ကွင်းကုထုံး၊ ရေပူစမ်း အစားအစာကုထုံး၊ အရောင်အခြေခံကုထုံး စသည်တို့ကို ပေါင်းစပ်၍ “ရေပူစမ်း အဆင့်ရှစ်ဆင့် ကုသမှုငါးခု” ၊ “Rehai ရေပူစမ်း SPA အဆင့်ငါးဆင့်” ၊ “ရေပူစမ်း ကျန်းမာရေးနှင့်ညီညွတ်သောအစားအစာ” ၊ “ဒြပ်ငါးပါး အရောင်ငါးရောင် နံနက်စာ” ၊ “နံနက်ခင်းဟင်းချို” နှင့် “ညစာဟင်းချို” တို့ကို “ထိန်ချုံး Rehai ဆေးကုသအပန်းဖြေမှု” စသည့် ကျန်းမာရေးစောင့်ရှောက်မှုထုတ်ကုန်များအဖြစ် သတ်မှတ်ထားပါသည်။ လက်ရှိတွင် ဆေးကုသအပန်းဖြေမှုထုတ်ကုန်များကို ပြီးပြည့်စုံအောင် အဓိကဆောင်ရွက် သည့်နည်းတူ ဆန်းသစ်တီထွင်မှုများ အဆက်မပြတ်ပြုလုပ်လျက်ရှိပြီး ထုတ်ကုန် ပရောဂျက်များ တိုးမြှင့်ခြင်းဖြင့် ဆေးကုသအပန်းဖြေမှုထုတ်ကုန်များ၏ ဆေးကုသအပန်းဖြေမှုရလဒ်များကို ပေါ်လွင်လာစေပါသည်။ စံပြအလုပ်သမားများ လိုအပ်ချက်၊ အနားယူရန် လက်တွေ့အခြေအနေနှင့်ကိုက်ညီခြင်း၊ လုပ်ငန်းများ၏ ထူးခြားဝိသေသများကို ပေါ်လွင်စေခြင်းစသည့် ပုံစံမျိုးစုံသော အပန်းဖြေ အနားယူခြင်းလှုပ်ရှားမှုများနှင့် မျိုးချစ်စိတ် ပညာပေးခြင်း၊ ပါတီတည်ဆောက်ရေး သရုပ်ပြခြင်း၊ ကျန်းမာရေးစစ်ဆေးခြင်း၊ ကျေးလက်ဒေသသစ်များ ကွင်းဆင်းလေ့လာခြင်း၊ ယဉ်ကျေးမှုနှင့် အားကစားလှုပ်ရှားမှုများ စသည်တို့ကို ပေါင်းစပ်၍ “ခရီးသွားခြင်း၊ အနားယူခြင်း၊ ကျန်းမာရေး၊ အစားအစာ၊ တရားအားထုတ်ခြင်း၊ စမ်းချောင်း” စသည့် ခေါင်းစဉ်ကြီး ၆ ခုကို ဦးတည်သော ကျန်းမာရေးစောင့်ရှောက်မှုထုတ်ကုန်များကို တီထွင်ခဲ့သည်။ ၎င်းအနက် ထုတ်ကုန်အချို့ကို ဆေးကုသအပန်းဖြေရေး ဧည့်ခံမှုများတွင် လက်တွေ့အသုံးချနေပြီဖြစ်ပြီး ဖောက်သည်များ၏ အသိအမှတ်ပြုမှုများကို ရရှိနေပါသည်။